KABANATA 132: Dobleng Kagalakan

Philip

Hindi ako mapakali at nanginginig ako sa kaba habang naroon sa pasilyo. It's almost midnight. Ilang oras nang naroon si Sarah sa loob ng labor room para iluwal ang kambal.

Hindi pa ngayon ang tamang oras ng kanyang panganganak kaya naman sobrang kabado ako kung anong nangyayari sa loob ng silid. May ilang linggo pa dapat na bilang bago niya ilabas ang mga anak namin. Kinailangan dumaan ng C-section si Sarah dahil wala sa tamang posisyon ang kambal.

Iniisip ko pa lang na bubuksan ang kanyang tiyan ay hindi na ako mapakali.

"Boss, si Mr. Benner!" pukaw sa akin ni Alex.

Papalapit sa amin si Amir na halatang nag-aalala. Ayoko na muna siyang harapin at hindi ko makontrol ang isipan ko.

"Nasaan si Sarah?" tanong ng lalaki na bagong dating.

Sumulyap sa akin si Alex bago binalingan muli si Amir. "Nasa loob siya, Mr. Benner at kasalukuyan na dumadaan sa cesarean section."

"What did you do?!" galit na sita sa akin ni Amir. Matalim na tingin ang isinagot ko sa kanya.

Hindi