KABANATA 137: Itinagong Katotohanan

Sarah

Inimbitahan ko si Josh sa loob ng opisina kaysa gumawa kami ng eksena. Mabuti na lang at may nakalaan na maliit na meeting room doon kung sakali na may bumisitang business partners. Ang silid na ito na tinatawag na Summit Room, kung saan nag-oopisina sina Lexi at Jakob kapag narito sila sa Highland Hills para sa LoveLogic project app,

Sa ngayon ay binabantayan si Josh ng dalawang guwardiya at Jakob. Mukhang professionally detached, nakaupo si Jakob sa tapat ni Josh na nakabukas ang laptop, pero nakatutok sa kanya ang atensyon nito.

Naroon ako sa main office room. Ipinakilala ko nang personal ang sarili ko kina Mike at Sophia.

"It's a pleasure to meet you both in person," bati ko sa kanila kahit na maraming bagay na bumabagabag sa isipan ko.

Mahigpit na nakipagkamay si Mike, at ngumiti si Sophia.

"Nagkita rin tayo nang personal, Ms. Sarah!" ani Mike.

Ngumiti ako nang pilit. Dama ko ang pawis na namumuo sa gilid ng aking noo. Hinihintay ko na dumating si Philp. Naalertu