KABANATA 143: Imahe ng Pagkakaibigan

Sarah

Mahinang mga tinig ang nahihimigan ko nang magkaroon ako ng malay.

Kumirot nang matindi ang ulo ko at dama ko ang panghihina sa aking katawan.

Binalikan ko ang mga huling ala-ala at natatandaan ko na si Jane ang huli kong nakasama. Siya ang nag-abot sa akin ng alak kaya alam ko na may kinalaman siya sa naganap sa akin. Inikot ko ang tingin at sa palagay ko ay narito ako sa tirahan ni Ethan Vanderbilt. Dinala na ako rito ni Philip minsan.

“That lunatic! I couldn’t believe that scumbag!” naririnig kong asik ni Dr. Ruth sa labas ng silid.

“Ruth, please, you need to calm down. This level of stress isn't good for you or the baby,” tinig iyon ni Dr. Ethan Vanderbilt.

‘Baby? Buntis ba si Dr. Ruth?’

Tinungo ko ang pintuan at natagpuan ko ang dalawang doktor sa tapat ng silid. Nabigla parehas na makitang gising ako.

“Hi! Uh, p-paano ako napunta rito?” usisa ko sa kanila. Isa pa, bakit narito si Dr. Ruth? Ngunit sinarili ko ang huling katanungan.

“Mabuti at gising ka na, Sar