KABANATA 149: Ibang Babae

Jane

Bago ako sumakay ng taxi ay nahabol pa ako ni Brody. Suot ang house slipper ay nasundan niya ako.

“Jane!” Pinigil niya ako sa braso. “Please, don't go,” usal niya na hinihingal. Halata ang panic sa kanyang berdeng mga mata.

“I can’t take this anymore, Brody! Pinagsawalang-bahala ko ang lahat ng narinig ko at ang kasalukuyan mong relasyon kay Sonia! Pero sobra na ito!” galit na sigaw ko sa kanya.

Nilingon niya ang paligid na nakatingin sa amin. Hindi siya sanay sa ganito, lalo na’t narito kami sa publikong lugar.

“Please, huwag ka munang gumawa ng drama. Pag-usapan natin ito sa apartment,” aniya na lalong nagpaigting sa init ng ulo ko.

“Bumalik ka sa penthouse at huwag mo akong sundan kung ayaw mong gumawa ako ng drama! Leave me alone!” asik ko.

Pinasadahan ng kamay ni Brody ang kanyang buhok dahil sa prustrasyon.

“Wala lang matutuluyan si Sonia ngayong gabi kaya siya narito sa apartment. Sinaktan siya ng nobyo niya at kailangan niyang magtago. Ang apartment natin ang