TMUW 13: Mushroom

"Kailangan mo ng kasama?"

Tinaasan ko ng kilay si Haze na nagtanong noon. Nagugulat na lang ako dahil para siyang kabuti na sulpot nang sulpot sa harapan ko.

"Hindi," sagot ko at muling binalik ang paningin sa harapan.

Dinig ko ang pagtawa niya bago naupo sa tabi ko. "Bakit wala kang kasama? Delikado para sa'yo lalo na at babae ka," aniya.

Napairap na lang ako. Iwinasiwas ko sa buhangin ang nasa tabi ko na kahoy.

"Kanina ka pa pinagtitinginan ng mga kalalakihan kanina. Actually, hanggang ngayon," subok pa niya muli.

"Alam mo kung ano ang mas nakakatakot?" baling ko sa kaniya.

Naiintriga niya akong tiningnan. Naghihintay ng sagot ko.

"Ikaw. Hindi kita kilala pero kung makalapit ka ay para ba na magkakilala na tayo noon pa," pagtutuloy ko.

Natigilan siya ng bahagya ngunit natawa rin matapos ang ilang sandali. "Come on, para naman hindi tayo pareho ng city na pinanggalingan—"

"At paano ka nakasisiguro na pareho lang ang pinanggalingan natin? Mas nakakatakot kung sasabihin mo na alam