Chapter 40 "Their gazes met"

ABALA si Zarah sa pag-oorganisa ng mga bitamina. Pinagbuklod-buklod niya ang mga iyon ayon sa klase, upang sa ganon ay madali lang para sa kanyang ma-i-distribute ito sa mga bata.

Pilit niyang inignora sa isip ang dalawang tao na siyang nagpapagulo sa kanyang isipan. Mabuti na lang at medyo naka-distansiya sa kinaroroonan nila ang puwesto ng mga nurses.

Minsan nahagip ng kanyang mga mata si Luke na laging nakabuntot kay Angela dala-dala ang malaking payong at pinayungan ang dalaga. Napaismid tuloy siya. Bakit pa ito pumunta dito kung di naman pala makakayanan ang init ng araw? Tsee! ang arte!' bulong niya sa isip.

Iniwasan niyang mapagawing muli ang paningin sa puwesto ng mga ito.

"Hi, Miss Pretty, Good morning!" Doc Richard greeted her.

Hindi niya agad napansin ang pagdating ni Doc Richard. Ito pa rin kasi ang magiging ka-partner niya sa puwesto na kung saan tsene-check nito ang mga bata lalo na sa mga batang kulang sa nourishment.

Habang ang kaibigan niyang si Mitch n