Chapter 44 "Helpless"

NASA KALAGITNAAN ng paglilinis si Zarah nang makarinig ng pagtikhim sa kanyang likuran. Si Luke ang naroon at nakatayo sa hamba ng pinto.

Napahigit ang kanyang hininga. Hindi niya napansin ang pagdating nito.

Nais niya sanang takbuhin ang binata at yakapin ito ng mahigpit pero naalala niyang ikakasal na pala ito kay Angela. Kaya nararapat lang na pipigilan niya ang sarili at dumistansiya dito.

"Si Angel?" hinanap nito agad ang nobya. Bahagya siyang nalungkot sa isiping palaging si Angela ang laman ng isip ni Luke.

"W-wala po dito, umalis po siya kaninang umaga." tipid niyang sagot bago binawi ang tingin at ipinagpatuloy ang paglilinis.

"Kumain ka na ba?" Napatda siya sa tanong ni Luke. Matagal nang huling narinig ang ganoong tanong sa kanya.

"H-hindi pa."

"Past nine o'clock na hindi ka pa kumain?" pagalit nitong tanong.

"A-h kakain ho ako ngayon pagkatapos nito. Ito na lang kasi ang pinakahuli kong lilinisin kaya tinapos ko na lang muna," malumanay niyang wika.

"Ka