Chapter 50 "Chasing after me"

PAUBOS na ang stocks nila sa kusina kaya pagkagaling ni Zarah sa hospital dumaan muna siya sa grocery store sa loob ng Mall. Namimili rin siya ng mga personal na mga gamit. Pati na ang mga toiletries at iba pang gamit panglinis. Hindi rin niya pinalagpas na dumaan sa pasta section. Ibat-ibang klaseng pasta ang kaniyang pinamili. Simula noong sa bahay na umuwi si Lander mabilis na siyang nauubusan ng stocks ng pasta kaya bumili siya ng mas marami ngayon.

Mula ground floor pumunta muna siya sa second hanggang third floor na kung saan naroon ang section ng mga damit. Pinaiwan niya lang muna sa baggage counter ang mga nabiling grocery goods.

Sa elevator na siya sumakay upang mas mapadali. Pasara na sana ang elevator ngunit biglang may humabol. Ginamit ang kamay nito upang matigil ang pagkasara at bumukas ulit. Siya lang mag-isa ang sumakay doon kaya malaya niyang napagmasdan ang lalaking pumasok.

Bigla siyang natigilan nang makilala ang lalaking iyon. Huli na kung babawiin niya pa ang