Chapter 56 "Almost get caught"

"SINONG AMA?"

Sabat ng isang baritonong boses ang narinig ni Zarah at ni Senyora Letecia. Sabay silang napalingon sa pinanggalingan ng boses na yon.

"Luke?!"

Magkapanabay nilang sambit ng Ginang. Parehong nagitla sa hindi inaasahang panauhin.

Biglang sumikdo ang kanyang dibdib sa nararamdamang kaba. Nandito si Luke.

Mabilis siyang napalingon sa kinaroroonan ni Leanne. Ngunit wala na roon ang kanyang anak. Palinga-linga siya sa paligid at walang Leanne na kanyang makita. Saan kaya yon? Kailangan niya itong mahanap dahil baka makita ito ni Luke. Hindi kaya itinago ito ni Lander? Baka kasi napansin nito ang pagdating Luke kaya itinago kaagad ang bata.

Bahagyang guminhawa ang kanyang pakiramdam. Kung ganon, mabuti na lang at mapagmatyag si Lander.

"Sinong ama ang sinasabi mo, Zarah, at sino ang hinahanap mo, Zarah?" muling tanong ni Luke nang mapansin ang kanyang paglinga sa paligid na halatang may hinahanap.

"W-wala.. wala akong hinahanap, Luke. At sino naman ang haha