Chapter 55 "Granting a request"

ANG AKALA ni Zarah ay hindi na siya muling gambalain pa ni Luke. Ngunit nagkakamali siya. Laking gulat niya na lang nang maging panauhin niya naman ito ngayong dakong hapon.

Laking pasasalamat niya na wala sa bahay ang kanyang anak na si Leanne dahil maaga itong sinundo ni Lander at isinama sa mansiyon. Dahil araw ng Sabado ngayon at walang pasok kaya nagrerequest ang mag-asawang Guevarra na ipapasundo ang kanilang apo.

Ang totoo ay plano niyang pagbigyan ang paanyaya ng mag-asawa na doon magdidinner sa mansiyon ngunit naparito na naman si Luke kaya tila mauudlot ang kanyang planong pagpunta ng mas maaga. Kakabihis niya lang at nakapag-ayos na ng sarili.

Pagkalabas niya ng kanyang bahay hindi niya inaasahan na naroon na pala si Luke nakaabang sa kanya sa labas ng gate.

Ayaw niyang masira ang hapon niya kaya mas pinili niyang wag na lang itong pansinin. Binuksan niya ang malaking gate upang makakadaan ang kanyang kotse.

Pero sa halip na ilalabas niya ang kanyang kotse ay b