Chapter 54 "Early visitor"

MAAGANG pumasok si Zarah sa kanyang clinic ngayong araw. Tumawag kasi si Neneng kagabi na hindi ito makakapasok ngayon dahil masama raw ang pakiramdam nito. Nagduduwal ito at walang ganang kumain. Actually, napansin niya na yon kahapon na parang pagod ito palagi. Minsan nahuhuli niya itong naghihikab at natutulog sa mesa. Pero hindi niya pinagalitan dahil malinis naman ang buong clinic niya at naka-organized lahat ng mga gamit. Sinisiguro nitong tapos na ang trabaho bago matulog.

Gusto niya sanang check-up-in si Neneng dahil may palagay siyang buntis ito. Lahat kasi ng mga ipinapakita nitong sintomas ay napagdaanan niya rin dati, noong ipinagbuntis pa lamang niya si Leanne. Unang trimester niya sa pagbubuntis ay masasabi niyang napakahirap. Ngunit pilit niyang kinaya dahil ayaw niyang maabala pa ng husto si Lander ng mga panahong iyon.

Pinayagan niya ang tatlong araw na pagle-leave ni Neneng upang makapagpahinga ito ng maayos.

Inayos niya ngayon ang mga upuan ng mga pasyente a