Chapter 39 "The EX is back"

"Tara na, Zarah, sabay na tayong mag-lunch, tayo na lang ang naiwan dito." yakag ni Mitch sa kanya. Pangatlong araw nila ngayon dito sa Zambales at pansin niyang hindi na masayadong marami ang mga taong nagpapacheck-up ngayon kung ikokompara sa unang araw pa lamang nila dito.

Kakagaling niya lang sa rest room. Hinintay siya ni Mitch sa labas.

"O, sige, tara na."

"Teka... sandali lang, kanino kaya yong bagong sasakyan na paparating?" Tanong ni Mitch na bahagya pang napatigil. Tiningnan niya ang itinuro nito. Biglang bumilis ang tibok ng kanyang puso dahil kilala niya kung sino ang may-ari ng sasakyan na yon. Kay Luke ang sasakyan na yon. Is he going to visit her?

Marahang sumilay ang ngiti sa kanyang mga labi. Nagkakaroon ng excitement ang puso niya na tila hindi niya mahintay na salubungin si Luke.

"Teka...teka... sandali dzai, bakit ba tila excited kang lumapit sa sasakyan na yan? Kilala mo ba yan?" napakunot-noong tanong nito.

Ngumiti siya. "Yes, kilalang-kilala ko, Mitc