Chapter 5.3

__________

Kinabukasan, sariwa pa ang sikat ng araw ay gising na gising na si Ana. Naging napakaramot ng nagdaang gabi kung kaya wala siyang nahitang sapat na tulog. Hindi siya napagkatulog dahil sa salit-salitang mga kaisipang pumutakti sa kaniyang isip. Kung nahimbing man siya ay mababaw lang. Kahit nga panaginip ay wala siyang nahita, sa halip ay muta at sakit ng ulo lang ang kaniyang napala.

Kung bakit pa, ay dahil sa naninibago siya sa kinaroroonan niya. Iyon kasi ang unang gabi niya sa bahay ng kaibigan niyang si Aseneth. Napilitan kasi siyang umalis sa sarili niyang tahanan, hindi para takasan ang mga problema, kundi dahil ang problema mismo ang nagpalayas sa kaniya.

Kung siya lang naman ang masusunod, kahit pa bahain siya ng sangkaterbang mga problema sa tahanang iyon ay hindi siya aalis sa kabila ng lahat. Ang kaso ay hindi ganoon ang naging sitwasyon. Ang problema mismo, na mahal na mahal pa niya, ang nangyaring nagpalayas sa kaniya.

Ano nga