Chapter 5.2

__________

Dahil naman sa maghapong pagtatrabaho sa rose farm na kilu-kilometro ang layo sa dyip na sinasakyan ni Ana, himbing na himbing sa kaniyang pagtulog nang gabing iyon si Aseneth. Hindi nito katabi sa pagtulog ang asawa sa malapad na kutsong kama, sa resthouse na kasi ito sa bukid nagpalipas ng gabi sa dahilang hindi nito natapos ang trabaho. Bahagya nang naghihilik si Aseneth at halata sa ayos ng pagkakahiga na nasa kasarapan na ng pagtulog.

Nasa ganoong kalagayan si Aseneth nang sunud-sunod na mga katok ang bumulabog sa kahimbingan nito, ang katulong na si Aling Marta iyon.

"Senyora! Senyora!" mahina ngunit klarong tawag ng katulong mula sa labas ng saradong pinto. Paulit-ulit ang ginawa nitong pagtawag hanggat walang sagot na natatanggap.

Nang maalimpungatan ay inis na bumangon si Aseneth, nakapikit pa ang mga mata at yamot na kinamot-kamot ang ulo na ang buhok ay nagulo mula sa pagkakahiga.

"Ano ba iyan, Yaya Marta? Naiistorbo nama