9.3

__________

SAN FRANCISCO, BIÑAN, LAGUNA

Mababakas sa mukha ni Aling Nenita ang labis na tuwa dahil sa nasasaksihang pagbabago ng buhay ng kaniyang itinuturing na kaisa-isang anak.

Una, hindi na ito palainom ng alak. Talagang hinarap na nito ang mga hamon ng buhay nang buong tatag at sikap.

Ikalawa, laging may oras na ito para sa mga anak. Dahil dito, nawala na ang dating panlalamig ng dalawa nitong mga anak. Masaya na parati ang mga ito at kahit paano ay nakalilimutang wala si Ana.

Ikatlo, hindi na hamak na dampa lang ang bahay ng anak. Isa na itong malaki-laking bahay. Sa tulong ng pamangking si Romy, unti-unting naayos ang buhay ng anak. Pero ang totoo, ang anak niya mismong si Enzo pala ang nasa likod ng malaking pera na pahiram lang kuno ni Romy. Hindi nga pala totoong kinalimutan na sila nang lubusan ng panganay na anak. Nangako lang pala ito sa sarili na hindi ito magpaparamdam sa kanila hanggat wala pa itong maitutulong upang maiahon si