Chapter 6.3

Ikinuwento ni Ana kay Aseneth ang lahat. Simula sa pagluwas niya sa Laguna para sa interview at para mapasok sa trabaho, sa di nila inaasahang pagkikita ni Enrico sa opisina ni Mr. Delgado noon sa Heaven Sent Enterprises, sa nakakikilig nilang ligawan moments, kung gaano sila naging marupok at mapusok dahil nasa kasibulan pa lang sila noon wika nga, kung paano sila tinupok ng apoy na pinagsaluhan nilang dalawa. Pero matapos niyang ikuwento ang maaga nilang pagpapakasal sa huwes dahil noo’y nagdadalng-tao na siya at hanggang sa mauwi sa matinding sagutan at hiwalayan ay itinigil na niya roon.

Nakanganga lang ang bestfriend niya nang matapos si Ana at tila bitin pa rin sa mahaba-haba niyang kuwento. Sa kahabaan nga ay kasabay pa niyang natapos sa pamimitas ng bulaklak sina Daniel at Mang Kanor. Naroroon na nga ang mga ito eksaktong matapos siya.

“Bitin!” palatak ni Aseneth.

“Huh! Saan ka bitin, darling?” nagtatakang bungad agad na tanong nga ni Daniel nang s