Chapter 3

"PUNO lahat ng taxi na dumadaan! Ano ba yan! Late na tayo!" Sabay kaway sa mga taxi na dumadaan si Max. 

Buti na lang at malamig dito sa Baguio at hindi kami pagpapawisan sa paghihintay ng taxi. Ganto kasi dito usually kapag natatapos ang finals. Puro party din ang mga estudyanteng tulad namin. Gusto lang din mag relax at mag unwind.

Napansin kong may lumabas na kotseng itim sa gate ng katabi naming apartment. At nagulat ako nang bumusina ito nang tumapat sa amin at tumigil.Unti-unti namang binaba ang tinted window.

"Hi! Wow! Ang gaganda nyo naman!" Sabi ng lalaki na nag da drive.

Siya din yung bolero na nag hi sakin nung nakaraan sa terrace! Napaka gwapo niya at mukha namang friendly. Tsinito sya at matangos ang ilong. May dimples pa sa magkabilaang pisngi.

Pero ang talagang kumuha ng atensyon ko ay ang lalaking nakaupo sa passenger's seat. Diretso kasi ang tingin at di man lang nag abalang tumingin. Suplado. 

At napagtanto ko nga kung gaano ka gwapo ang lalaking to nang matitigan ko. Mukha siyang bad boy. Makapal ang kilay, matang parang nang aarok kahit di nakatingin sakin, matangos ang ilong, at boy ang lips nya parang masarap hali-

"Hoy! Nakatunganga ka na diyan! Sino yan?" Siko sakin ni Jen. Para akong binuhusan ng malamig na tubig at nagising sa katotohanan. Nakakahiya!

"Hi, ako nga pala si Von Andrew, and this is my cousin Niko. Actually, bagong lipat lang kami dito. At di ako nagsisising lumipat dito at meron palang naggagandahang dilag dito." Sabi niya na kitang kita pa ang dalawang dimples sa ngiti niya. Napakadami niyang sinasabi eh hindi naman ako nagtatanong. 

"Oh by the way, where are you going? Sakay na namin kayo." Alok pa niya. Napataas naman ng kilay si Jen.

"Ah n-no thanks! We're good. May hinihintay lang kami." Sabi ko. Syempre hindi naman namin kilala mga yan kahit mga gwapo sila noh. Mahirap nang basta basta na lang magtiwala sa panahon ngayon! 

Seryoso pa din na nakatingin sa cellphone nya na parang naiinip si suplado. Aha! Naaalala ko na kaya pala familiar sya. Siya yung naka bangga ko sa school! Si suplado! Siya din yung lalaking tumutugtog ng gitara sa katabing apartment! Yung di man lang tumingin sakin kahit nakikipagharutan mga kaibigan nya.

Napapangitan ba sakin yang lalaking yan? Hmmp! Bahala sya sa buhay niya. Gwapo nga, suplado naman. 

"Hay salamat! Ayan may taxi na girls!" Sigaw ni Max at hinila na nila ako pasakay ng taxi kaya hindi na ako nakapag paalam man lang ng maayos doon kay tsinito.

NANDITO kami ngayon sa isa sa pinaka sikat na disco bar dito sa Baguio. And as expected, madami ngang tao ngayon.

"Hoy Jaz! Sino yung mga poging naka kotse kanina? Ikaw ha? Wag ka mag si-sekreto sa akin!" Tanong ni Jen at nakikinig din si Max. Curious na curious ang dalawa kaya kwinento ko na lahat mula simula.

"OMG! Kapitbahay lang pala natin?! May kapitbahay pala tayong mga gwapo! Ayy!" Tili ni Jen. Mukhang tamado na. 

"Girlfriends, let's dance na!" Aya sa amin ni Max sabay hila sa amin ni Jen papuntang dance floor. Sobrang crowded at parang di ako makahinga! 

SAYAW, inom, at tawanan ang ginawa naming magkakaklase. Madami samin ang lasing na tulad na lang ng dalawang babae sa tabi ko na di na tumitigil sa katatawa. Paano ba naman kasi muntik nang madapa si Max kanina at buti na lang nahawakan siya agad nung koreano. Cute yung koreano at di na maalis tingin nya kay Max. Kaya diko alam kung kinikilig ba tong mga to o ano. O sipa na lang talaga ng alak. 

"Hoy Jaz! Daya mo di ka pa lasing! Gab! Painumin nyo nga to! Broken hearted yan eh!" Sigaw ni Max kay Gab. At napunta na sakin ang atensyon nila. Tawa pa din sila ng tawa. Nakakairita talaga to pag nalalasing dahil lalo siyang nagiging loka-loka.

Inaamin kong nalulungkot talaga ako ngayon. Letse! May babae na naman si Jeff! Hanggang kelan ba ako maghihintay na mapansin nya? Naiinip na ako! Malapit na akong mag nineteen pero ni hindi ko man lang naranasan magkaroon ng boyfriend dahil sa kahihintay ko sa kanya. Huwag naman sana akong tumandang dalaga nito.

At para bang nagbibiro ang tadhana dahil pag baling ko sa may entrance ay saktong nakita ko si Jeff! Kasama niya ang mga kaklase niya at may naka angklang babae sa braso niya! At yung babae ay walang iba kundi ang nanalong Miss Nursing nung nakaraang buwan. Ibang section din pero ka batch namin. And I honestly don't like her. Isa siya sa mga tinaguriang bitch sa university. Baka naman nagseselos ka lang, Jazzy? Hay! 

Hindi ko alam kung maiiyak ako o ano. Iniwas ko na lang ang tingin ko at biglang lagok sa alak na inabot sakin kanina ni Gab. Napangiwi ako at matapang ang isang to ah. Sanay lang kasi ako sa mga light na beer. Di naman kasi ako pala inom. Occasional lang tulad ngayon. 

"Hey! Jeff, cousin! Here! Here!" Sigaw ni Jen. 

Syite naman oh! Gusto kong tahiin bigla bibig ng kaibigan ko! Nataranta ako kaya napainom ulit ako ng dalawang magkakasunod. Huwag naman sana akong ipagkanulo ng damdamin ko ngayon. Nagiging emotional pa naman ako kapag nakainom.

"Oh hi cous!". Bati ni Jeff sa pinsan niya at agad namang bumaling sa akin nang malingunan niya ako. "Oh Jaz, dito din pala kayo." Bati naman niya sa akin at si ateng Miss Nursing kuno nagmumukhang tuko sa kapit niya sa my loves ko. Gusto ko syang sabunutan! Ibang level yung gigil ko ngayon sa babaeng ito! 

"Ha? Ah eh, oo." Yun na lang talaga nasabi ko. Sino bang matutuwa di ba? 

"Come on guys! Join us!" Sabi naman ng mga iba ko pang ka klase dahil magkakakilala naman kami ng ibang mga section din. Napapikit ako ng mariin at hindi ko namalayang kumuyom ang mga palad ko.

Huwag naman sana silang maki join dito! Ayoko na! Ayoko nang ma in love sa best friend ko! Ang sakit sakit na! Tulong! Whoaaahhh! Syempre sigaw lang yan ng isipan ko. Di ako pwede magsisisigaw dito. Mapagkamalan pa akong baliw. Baliw na baliw sa kanya. Kailan ba ako matatauhan? 

"Hey, my Jazzy girl! You okay? You look sad. How's exam?" Tinabihan pa niya ako. Nagpunta kasi ng rest room yung tuko. Aba, napansin din pala niya ako kahit papaano. Sinong hindi malulungkot eh may babae ka na naman.

Nakakainis lang kasi kinikilig pa din ako and at the same time nasasaktan! Bakit ba kasi napaka martir ng puso ko! 

"Ah okay naman. Di ako sad noh, medyo inaantok na kasi ako. Ikaw, kamusta ang exam? Pasok na naman sa dean's list?" Nakangiti kong sabi sa kanya. Consistent kasi siyang dean's lister. Muntik na din ako kaso medyo nag struggle ako sa isang subject namin. Though wala naman akong bagsak kaya okay na din yun.

"Not sure about that. I miss you!" Sabay yakap sa akin ng mahigpit. 

Napangiti ako ng mapait. Ampalaya talaga ako. Kasi alam ko naman na friends lang talaga kami. Malambing lang talaga siya. Pero syempre, feel na feel ko kahit simpleng pagyakap niya.

"Na miss daw." Sabi ko sabay irap.

"Wag ka na magtampo best friend! Babawi ako sayo promise!" Tumatawa niyang sabi at ginulo pa niya ang buhok ko. 

At talagang pinamukha pa niyang best friend lang talaga ako. Hay naku Jazmin! Di ka na nasanay! 

"Babe! Sayaw na tayo?" Sabi ni girl tuko na halata namang nag retouch lang ang ginawa sa rest room. Kararating lang, retouch agad? Kami nga kanin pa dito pero di na kailangan niyan! 

Hala, ang bitter ko na! Hindi na maganda to. Maganda naman talaga siya, matangkad, sexy, at morena. Pang Miss Universe. Pero mas maganda pa din ako. 

"Babe, by the way, this is Jazmin my best friend. Jaz, this is Camilla my girl friend." Kumikinang pa ang mga mata niya habang nakatingin sa babae nya. 

"Hi." Simpleng sabi lang ng babae na halatang napipilitan pa. Bitch!

Eh di nag hi back lang din ako at tinanguan siya. Tse! 

Sa akin lang naipakilala ni Jeff si tuko kasi yung dalawa kong kasama mukhang nasa dance floor na naman. 

"Sige Jaz, see you around!" Si Jeff habang nakakapit naman ang tuko at kinukulit na siyang umalis. Hindi yata kinakaya ang kagandahan ko! 

"Sure." Sabi ko na lang at tipid na ngumiti. 

At dahil di na ako mapilit ng mga kaibigan kong sumayaw, iniwan nila ako dito sa table namin. Ang saya di ba dahil may taga bantay sila ng mga gamit nila. Wala tuloy akong ginawa kundi tumungga nang tumungga. Habang tumatagal ay lalong sumasarap to ah. Aw umiikot na ang mundo ko! Pero masaya sa pakiramdam. Weird! 

"Oh hey! Jaz? Yeah, I think that's your name, right? Narinig kong itinawag sayo ng friend mo kanina." Nagulat naman ako! Si tsinito at kasama niya ang mga kaibigan niyang nakita ko noong isang araw sa kabilang apartment.

"Ahh o-oo." Sabay tawa ko kahit walang nakakatawa. Must be the alcohol. At naalala ko din kasi yung pagkatunganga ko kanina. 

"Mind if we join you?" Tanong niya sa akin na very hopeful ang expression ng eyes niya. Makakatanggi pa ba ako?

"Ah.. hmm.. No, I don't mind at all. Tutal iniwan naman ako ng mga kasama ko." Sabi ko naman at may space pa naman para sa kanila. Umalis na kasi yung iba naming mga kasama. As usual, iyong may mga ka date.

Naalala ko si gwapong suplado. Bakit di nila kasama? Bakit parang nakaramdam ako ng disappointment?

"Von.. Von, right?" Pag confirm ko pa sa pangalan niya pagkaupo nila. Naku nagiging makulit pa naman ako kapag nalalasing. 

"Yes, Miss Beautiful?" Nakangiti naman siyang bumaling sa akin. Napakagaling mambola nito.

"Where's your cousin? Iyong suplado." Tanong ko at di ko talaga maintindihan ang sarili ko pero umaasa akong makita siya sa gabing ito. 

"Oh Niko? He's.." naputol na ang sasabihin niya at bumaling siya sa aking likuran.

"Hey Niko bro, we're here!" Sabi niya at kumaway pa. Kumabog ang puso ko ng malakas! Oh my gosh! 

Lumingon ako sa likuran ko at parang slow motion na naglakad palapit sa amin si Mr. Suplado! 

Seryoso siyang naglalakad palapit at napasapo ako sa dibdib ko dahil sa lakas ng tibok ng puso ko! 

Napapatingin din ang mga kababaihan sa pagdaan niya. Ganoon kalakas ang dating niya!