13. Tested

MAGKAHAWAK-kamay silang nagtatalon ni Jolina sa tapat ng isang salon.

Oo, nasa tapat sila ng isang salon. Matutupad na ang pangarap nila na makapagpaayos at makapagpaganda sa isang mamahaling salon na hindi iniisip ang bayad.

May silbi rin pala ang pagdating ni Adius sa buhay niya dahil gagaan ang buhay niya. At siyempre, hindi niya pwedeng kalimutan ang kaibigan niya.

“Gusto ko maging bonggang-bonggang straight ang buhok ko! Gawin niyo akong pinakamagandang blonde and straight sa buong mundo!” Hirit pa ni Jolina sa baklang nag assist dito pagkapasok nila.

Lumapit sa kanya ang isa pang binabaeng tauhan ng salon. “Sayo po, ma’am. Itutuwid ba natin itong buhok mo?”

“Mga ilang oras bago maging straight ang buhok ko?”

“Virgin po ba, ma’am?”

Proud siyang tumango. “Aba oo, mana sa akin ang buhok ko. Virgin pa hehe!” Aniya na ikinatawa ng mga naroon kaya natampal niya ang bibig.

“Skye!” Mahina siyang sinipa ni Jolina sa paa para agawin ang pansin niya. Tumitingin kasi siy