5..

[Apol]

"Ano ang ginawa mo dito, Miss Lanchester?" Tanong sa kanya ng lalaking tadtad ng tatto at malaki ang katawan.

"Ah, eh... Nagpapahangin para bumaba ang kinain. Bakit bawal ba?" Mataray niyang tanong. Gusto lang naman niya tingnan kung tatalab na ang pagiging matapang niya 'kuno' dahil soon-to-wife naman siya ng amo nito. Kunwari ay tumayo siya ng tuwid at pinaningkitan ito ng mata. "

"W-Wala po, Miss Lanchester. N-Nagtatanong lang." Magalang nitong sagot sabay yukod bago siya iniwan.

Nakahinga ng maluwag. Akala niya ay asawa lang siya sa papel at hindi igagalang pero mukhang mali ang akala niya.

Mahina niyang tinuktukan ang ulo at pinaalalahanan ang sarili. "Apol, mag isip ka! Hindi ka pwede maging asawa ng Mafia boss na 'yan dahil mapanganib siyang tao!"

Tama... kailangan niyang umisip ng paraan kung paano siya tatakas sa lugar na ito.

Napangiti siya bigla ng makita ang dalawang lalaki na nag asikaso sa kanya sa dining hall. "Hi, sa inyong dalawa. Break niyo?" Tanong niya. Napasimangot siya. Paano ay yumukod lang ang dalawa bilang pagbibigay galang, ni hindi ito nagsalita.

Lumapit siya sa dalawang lalaki dahilan para mapa-atras ang mga ito. "Kayo naman, magtatanong lang naman ako, e. Bakit parang takot na takot kayo, hindi naman ako kumakain ng tao. May gusto lang naman akong itanong sa inyo."

"Pasensya na, Miss Lanchester. N-Ngayon lang kasi may kumausap sa amin na asawa ni Mr. X. N-Naiilang lang po kami." Ani ng isang payat.

Tama nga ang sinabi ni Ester at Rima, bukod sa kanya ay nagkaro'n ng iba pang asawa si Mr. X. ‘Hay naku naman. Ipapa-asawa nalang ako ng Diyos, bakit do'n sa babaero pa. Ang malas ko naman, demonyong mafia na babaero pa ang mapapangasawa ko kung sakali.’ Isip-isip niya.

"Ibig sabihin masungit ang dating asawa ni Mr. X, gano'n ba?" Kunwari ay tanong niya para makakuha ng mas marami pang impormasyon.

"Alin po sa kanila? Iyong una po ba?" Tanong ng mas payat.

Anong una? Ibig sabihin ay may pangalawa pa?

Kunwari ay nakangiting tumango siya. Nagsikuhan na ang dalawa na tila nagtuturuan kung sino ang sasagot sa kanya.

Sumagot ang payat. "Lahat po ng ex-wives ni Mr. X ay masusungit. Lalo na po 'yong pang-apat." Dugtong nito.

Tumango-tango siya. "Ah, apat, ibig sabihin ay—" Muntik ng malaglag ang panga niya ng mapagtanto ang sinabi ng kaharap. "Ano?! Pang-lima ako?!!!" Umalingawngaw sa paligid niya ang malakas niyang sigaw.

Napatili siya sa gulat ng bigla nalang may kalalakihang sumupot at tinutukan ng mga baril ang dalawang lalaki.

"S-Sandali lang po, w-wala po kaming kasalanan, m-may itinatanong lang sa amin si Miss Lanchester..." Hintatakot na paliwanag ng mas payat habang nakalagay sa taas ang dalawang kamay tanda ng hindi paglaban.

Akala yata ng mga ito ay sinaktan siya, o binastos dahil sa malakas niyang sigaw.

Tumikhim siya at kalmadong tumingin sa mga tauhan ni Mr. X kahit ang totoo ay nanginginig ang tuhod niya sa kanyang mga nalaman. "Wag kayong mag alala dahil napasigaw lang ako sa gulat dahil may narinig- ibig kong sabihin, may nakita akong nakakagulat. N-Nakakita ako ng langgam sa legs ko at kinagat ako." Pagdadahilan niya.

‘Naku naman, bakit ‘yon pa ang nadahilan ko? Hindi talaga ako nag iisip.’ Kulang nalang ay kutusan niya ang sarili niya.

Napalunok siya. Mukhang hindi ito naniniwala sa mga sinabi niya. "Ayaw niyo maniwala? Sandali." Aniya sabay taas ng bestida para hanapin kunwari ang langgam. Nakahinga siya ng maluwag ng sabay-sabay na tumalikod ang mga ito.

"Hindi na kailangan, Miss Lanchester. Babalik na kami sa aming mga pwesto." Ani ng lalaking pinakamalaki sa mga ito at nagsisilbing leader.

Nang makaalis na ang mga mga tauhan ni Mr. X na mayro'ng hawak na mga baril ay nilingon niya ang dalawang lalaking kausap niya kanina, pero wala na ang dalawa sa kinatatayuan. Grabe, ang bilis naman nawala nang dalawang ‘yon. Parang bulang bigla nalang naglago.

"Ay, demonyo!" Gulat niyang bulalas ng pagpihit niya ay nasa harapan na niya si Mr. X.

Yumuko siya bilang pagbigay galang. Hindi nga maka-tao ang angking kakisigan pero demonyong babaero naman.

"S-Sandali po, a-ano ang ginagawa mo?" Kabado niyang tanong ng hawakan nito ang laylayan ng dress niya.

"I will find the ants who'd bite your legs." Malamig ang boses na sagot nito.

'Hindi kaya hindi ito naniwala sa pagdadahilan ko kanina?'

Iniluhod nito ang isang tuhod sa lapag. Gano'n nalang ang panlalaki ng mata niya ng itaas nito ang bestida niya at malapit nang makita ang panty niya.

Paano kapag wala itong nakitang langgam at napatunayan na nagsisinungaling siya? Ibig sabihin ay mapaparusahan siya katulad ng sinabi ni Ester at Rima sa kanya?

"W-Wala na po ang langgam, Mr. X... k-kasi kinain ko na siya." Nakahinga siya ng maluwag dahil natigil ito sa pagtaas ng suot niya. Tumingin ito sa kanya na para bang tinitimbang kung nagsasabi siya ng totoo.

"K-Kinagat niya kasi ako, eh. B-Bilang ganti eh di kinain ko siya. H-Hindi naman pwedeng walang ganti matapos niya akong kagatin, di'ba?" Nakagat niya ang loob ng bibig dahil sa kaba. Nakatingala kasi ito ngayon sa kanya. Katulad ng una niya itong makita ay wala siyang mabakas na emosyon sa mukha nito. Hindi niya tuloy alam kung naniwala nito sa sinabi niya, o hindi.

"Well, that's good. Kapag sinaktan ka, saktan mo pabalik. Kill them and let them suffered. That's the rules of my world, Apol. And being my soon-to-be-wife, my world will be your world too." Wika ni Mr. X bago siya iniwan.

Mahina siyang napahampas sa tuhod para patigilin ito sa pagnginig, at isang mahabang pagbuga ng hangin ang kanyang ginawa. Kanina pa pala niya pinipigil ang kanyang paghinga dahil sa nerbiyos.

'My world will be your world too' daw.

Pinigilan niya ang mapahikbi. Hindi man lang nito tinanong kung gusto niya sa mundong ginagalawan nito. Kung dito pa nga lang ay takot na siya? Sa mundo pa kaya nito? Ni minsan ay hindi niya ginusto na maging mayaman sa pamamagitan ng pag aasawa ng mayaman. Hindi gano'n ang motto niya sa buhay. Ang magsikap sa pagtatrabaho para umasensyo ang gusto niya.

Tumingala siya sa langit saka pumikit at nagdasal. "Lord, bakit naman ang hina ko sa'yo? Trabaho po ang hinahanap ko at hindi asawa. Ayoko po ng asawang dem0nyong gwapo. Okay na po sa akin kahit panget basta maginoo at mabait. Kahit mahirap lang po basta hindi mamamatay-tao, at higit po sa lahat ay please naman, Lord... wag naman babaero."

Sana ay pakinggan ng Diyos ang dasal niya. Pangako, mas magpapakabait siyang tao.

Gano'n nalang ang panlalaki ng mata niya ng pagdilat niya ay nasa harapan na niya si Mr. X.

"M-M-Mr. X..."