8. First kiss

Pinagpapawisan siya ng malapot habang napapalibutan ng pamilya ng pekeng fiance niya. Ibang klase naman magsopresa ang pamilya nito—hindi lang gabi, kundi gabing-gabi.

Nakilala na niya ang mga ito dahil isa-isang pinakilala ng tita Apol ni Adius ang lahat ng narito. Grabe. Hindi lang si Adius ang malaking tao, pati ng pinsan nito. Mabuti nalang at napakalawak ng sala. Kung normal na sala lamang ito ay tiyak na hindi sila kakasya.

Daig pa niya ang nasa hot seat. Nakakailang, lalo na ang tingin ng ginang na nasa gitna na palagay niya ay ina ng katabi niya. Pati ang tingin ng babaeng kamukhang-kamukha ng fiance niya, na alam niyang kakambal nito ay nakakailang.

“Iha, kailan pa naging kayo ng anak ko?” Tanong ng ginang.

Akmang magsasalita na siya ng inunahan siya ng ‘fiance’ niya kuno na magsalita. “Sa isang party, mommy.”

Tumikwas ang kilay ng ginang. “Hindi ikaw ang tinatanong ko kundi ang nobya mo.” Nakangiting bumaling ito sa kanya. “Sige na, iha, magkwento ka na, wag ka ng