Kabanata 012

Chapter 012

Nagulat ako nang bumugad sa akin ang pigura ng aking asawa na nakaupo sa harap ko, titig na titig ito sa akin animo’y minimemorya ang aking mukha.

“Lincoln? Anong ginagawa mo rito?” tanong ko sa kan’ya at agad na napabalikwas ng bangon.

Huminga ito ng malalim saka malungkot na nagsalita. “We need to talk, O,” wika nito.

Ngunit umiling lamang ako at sinamaan siya ng tingin. Pinangako ko sarili ko na ayaw ko ng makita siya dahil alam kong sasaktan na naman ako nito ng paulit-ulit lalo pa’t nalaman ko rin na buntis ang sekretarya niya kani-kanina lamang. Kinuyom ko ang aking kamao saka lakas-loob na nagsalita.

“Wala na tayong dapat pag-usapan pa, Lincoln. Tapos na tayo ‘di ba? Tapos na ang relasyon nating dalawa noong ibinigay mo sa akin mismo ang divorce paper nating dalawa.”

Napanganga siya’t gusto sigurong magsalita ngunit wala man lang salitang lumabas sa lalaki. Umiwas lamang ito ng tingin sa akin na para bang nahihiya na ewan. Ano bang problema ng lalaking ito? Bak