CHAPTER 15

"BEH, manonood kami ng sine mamaya. Gusto mong sumama?" tanong ni Daniella kay Heaven. Nasa nurse station sila noon at naghahanda na sa pag-uwi.

"Hindi ako p'wede ngayon. May lakad kami ni Kobe."

"Ay sayang naman. Minsan na lang tayo lumabas."

Naglakad na sila palabas ng hospital.

"Next time na lang."

"Saan ba lakad n'yo ni Kobe?"

"Pupunta lang kami sa bar."

Natigilan sila sa pagkukuwentuhan nang tumunog ang cellphone ni Heaven. Agad niya iyong kinuha sa loob ng shoulder bag at sinagot ang tawag.

Si Kobe ang nasa kabilang linya. Ayon dito ay may meeting pa ito sa opisina kaya hindi siya masusundo sa hospital. Pinapa-una na siya nito sa bar. Pumayag naman si Heaven dahil malapit lang sa hospital ang bar na pupuntahan nilang dalawa.

Nang makalabas ng hospital ang magkaibigan ay kaniya-kaniya na silang sakay ng taxi.

Nang makarating si Heaven sa bar ay agad siyang naghanap ng bakanteng lamesa. Nilibang niya muna ang sarili sa pag-check ng social media acco