Chapter 23

Ngunit bago pa ito makapasok, agad siyang hinarang ng mga bodyguard sa labas ng kwarto ng bata.

"Huwag nga kayong humarang! Kailangan kong makapasok!" sigaw ni Natalia habang naririnig ang pag-iyak ni Tristan sa loob ng kwarto nito.

Hindi gumalaw ang mga bodyguard.

"Doktor ako ng pasyente niyo. Ngayong hinaharangan mo akong makapasok sa silid ng pasyente ko, ikaw ba ang mananagot kung sakaling may mangyaring masama sa binabantayan niyong bata?"

Dahil sa sinabi ni Natalia, nanindig ang balahibo ng mga bodyguard at tila hindi na nakagalaw sa kanilang kinatatayuan. Ginamit ni Natalia ang pagkakataon na 'yon upang tabigin ang mga ito at makapasok sa loob ng kwarto ni Tristan.

Pagkapasok nito, naabutan niyang hawak-hawak ni Maxwell ang bata sa magkabilang balikat at tila niyuyugyog niya ito nang marahan. Ngunit sa mga mata ni Natalia, sinasaktan ni Maxwell ang anak nito. Agad na nag-init ang noo ni Natalia at saka inilayo si Maxwell sa bata. "Anong ginagawa mo kay Tristan?!"

Nagulat si M