Chapter 24

"Baby?"

'Yan ang nakita ni Maxwell na lumabas sa telepono ni Natalia nang may tumawag dito. Hindi ito nakapag-isip ng iba pang rason dahil ang dahilan lang na nasa isip niya ay nagkaroon na ng ibang kinakasama si Natalia at 'baby' ang tawag niya rito. Nagkaroon ng kabit si Natalia nitong mga nakaraang taon na nawala siya?

Hindi alam ni Maxwell ang nasa isip niya pero bahagyang nag-init ang ulo nito kahit na hindi naman dapat. Sa kanilang dalawa ni Natalia, si Maxwell ang siyang nangaliwa at sa mismong kapatid pa ni Natalia na si Olivia. Pero nang maisip ni Maxwell ang sitwasyon kung saan si Natalia ang nakahanap ng iba, hindi nito maatim na ikuyom ang kaniyang kamao at kimkimin ang galit at sakit.

Ngunit nasa isip lang niya ito lahat. Sa tindi ng pagkakahawak nito sa cellphone ni Natalia, ang kaninang basag na telepono ay ngayong nadurog na. Sira na ito kung kaya't tumigil na rin ang tunog ng tawag.

Sa kabilang linya, nagtataka si Liam kung bakit hindi na niya matawagan ang ina. Ang