Chapter 26

"M-Mama?"

"Good morning, anak."

Hinaplos ni Natalia ang buhok ni Tristan at saka ito hinalikan sa noo, bagay na lagi niyang ginagawa kay Liam kapag ito'y gigising na. Hindi nakapag-isip si Natalia na hindi ito ang kaniyang anak. Gano'n din si Tristan na nagulat at nahiya dahil sa ginawa ng doktor na nasa kaniyang harapan.

Nang makapag-adjust na ang mga mata nito sa liwanag, nalaman na niyang hindi ang ina nito ang nasa kaniyang harapan kundi ang doktor na nakapag-patulog sa kaniya. Sinubukan niyang ngumiti pero nahihiya pa rin ito. "H-Hindi niyo po ako anak."

Bahagyang natawa si Natalia. Totoo namang hindi ito si Liam kaya parehas silang nagulat. Ngumiti si Natalia at saka tinulungan si Tristan na umupo. Hinaplos muli ni Natalia ang buhok at ang likod ni Tristan kaya naman mas lalong nahiya ang huli. Hindi pa siya naaalagaan ng ganito dahil ang nag-aalaga sa kaniyang si Lucia ay wala naman talagang pakialam sa kaniya.

Marahan ang paghaplos ni Natalia kaya naman napaisip si Tristan kun