Chapter 31

"Ano at paano mo tinatrato ang anak ko nitong mga nakaraang taon, ha, Lucia?"

Hindi naisip ni Lucia na darating ang panahon kung saan mababaliktad ang sitwasyon nila ngayon. Pakiramdam nito, si Natalia na ang nasa itaas dahil sa kung paano siya nito sigaw-sigawan. Bukod pa riyan, pakiramdam niya'y unti-unti nang mabubuking ang mga plano niya para sa kaniyang pamilya.

Galit na galit si Natalia, pero wala itong laban sa laki ng katawan ng mga bodyguard kaya ang ginagawa lang niya ay takutin ang mga ito. Natuwa si Natalia nang mapansing may takot pa rin ang mga body guard sa kaniya kahit na matagal na silang naghiwalay ni Maxwell. Kung sabagay, sa pagitan ni Natalia at Lucia ngayon, kahit na sino naman ay mas kakampihan si Natalia kung kilala nila ang babaeng ito.

Pagkatapos ng ilang taong paghahantay na makarating sa pwestong ito, sa wakas ay nakaharap na rin ni Lucia ang isang bago at matapang na Natalia sa panahong ito. Kung dati'y walang lakas si Natalia na ipagtanggol ang kaniyang s