Chapter 36

"Bakit di naman 'to masarap?"

Nang itanong iyon ng inosenteng mukha ni Liam, napatingin na lang sa kaniya si Tristan habang pinagmamasdan ang una kung paano niya ito ubusin bawat butil. Ang nasa isip tuloy ni Tristan ay isang batang pulubi itong si Liam dahil sa paraan ng pagkain niya ngayon. Tsaka kung totoong hindi masarap, bakit tila paubos na niya ang pagkaing nasa lamesa ni Tristan?

Dahil lang din siguro sa gutom at hindi pa nga nag-a-almusal si Liam. "Si Tita Lucia ko ang gumawa niyan. Sabi niya 'yan daw ang kakainin kong breakfast. Bakit mo inubos?"

Kinuha ni Liam ang isang sandwich na itinabi niya sa kaniyang bulsa na dala nito mula sa kaniyang bahay. Ang sabi nito'y kakainin niya ang tinapay na ito kung sakaling siya'y magutom. Ngunit nang makita niya na ang palaman ay peanut butter, na siyang ayaw na ayaw ni Liam, mas pinili na lang niyang tiisin ang gutom at hintayin si Tristan na ibigay sa kaniya ang pagkain nito.

Dahil nga ayaw ni Liam ng kaniyang baon, ibinigay na lang