Chapter 35

Dahil kinakabahan si Natalia na makita ng mga Harrington si Liam, agad nitong nabitawan ang sumbrero at saka tumakbo palabas ng kaniyang kwarto upang hanapin ang bata. Nasa ikalawang palapag na rin naman siya kaya nagpunta na siya sa kwarto ni Joaquin, nagbabakasakaling nandoon si Joaquin o ang bata.

Pagpasok nito sa opisina, walang kalaman-laman ang silid. Dumiretso ito sa loob ng kwarto ni Joaquin upang makita kung nandoon sila, ngunit agad din itong nabigo.

Unti-unti nang namumuo ang kaba sa dibdib ni Natalia. Hindi nito alam ang gagawin kung sakali mang makita ng kahit isa sa mga Harrington si Liam dahil siguradong magkakagulo. Gaya ng nangyari noong nakita ni Anton Smith, makisig na secretary ni Maxwell, si Liam sa labas ng hospital kasama si Yaya Tess, iniiwasan na itong muli ni Natalia. Mabuti na nga lang at noong panahon na iyon, nalusutan nito ang paghihinala ni Maxwell at tila napaniwala niyang nagi-ilusyon lang si Anton noon. Nakalabas na ng hospital si Anton pero hanggang