Chapter 30

"C-Costaleon..." pag-uulit ni Lucia sa apelyido ng doktor na pamilyar sa kaniya. "N-Natalia Costaleon?"

Hindi makapaniwala si Lucia dahil sa kaniyang nakikita, pero tila wala ito sa tuliro pagkatapos siyang gantihan ni Natalia ng isang napakalakas na sampal. Sa isip-isip ni Natalia, nakilala na rin naman siya ng kaniyang kapatid kaya mas mabuti nang lubos-lubusin na niya ito.

Kung magkakaroon man siya ng iba pang pagkakataon para masaktan ito nang pisikal, masyado pa itong matagal. Bakit hindi pa ngayon na nag-aaway na rin naman sila?

Nang matanggal ang surgical mask na nakatakip sa mukha ni Natalia, nagulat din si Joaquin dahil hindi dapat makita ni Lucia ang totoong hitsura ni Dra. Allyson. Ngunit wala na itong nagawa, nalunod ang kwarto ng mga sigaw ni Lucia habang sinasabunutan siya ni Natalia.

"Alisin mo ang mga kamay mo! Huwag mo akong hawakan, babae ka!" sinubukang protektahan ni Lucia ang kaniyang sarili mula kay Natalia, ngunit wala itong nagagawa dahil tila lumakas ng sampun