Chapter 28

"Anong atin, Ms. Lucia? May kailangan ka ba?"

"Tanggalin mo sa hospital na ito si Dra. Allyson." sambit ni Lucia nang walang alinlangan.

Dahil sa mga litanyang binitawan ni Lucia, litong-lito si Joaquin kung bakit at ganito ang nangyayari. May kinalaman kaya ang naging away nina Lucia at Natalia sa nire-request ngayon ng babaeng ito?

Tumikhim si Joaquin at nagsalita. "Hindi ba't naging magaling naman na tagapangalaga't doktor si Dra. Allyson nitong mga nakaraang araw? Tagumpay din ang operasyon nito kay Mr. Tristan Harrington. Kung tungkol pa rin ito sa naging away niyo nitong --!"

"Hindi." sabat ni Lucia at saka huminga nang malalim. Taas noo nitong kinakausap ang doktor na animo'y siya ang may-ari ng hospital kahit na hindi naman. "Gusto ko lang na tanggalin mo siya rito. Makakahanap naman 'yan ng ibang trabaho sa labas dahil nga sabi mo, magaling na doktor ang babaeng iyan."

Matagal nang nagiging sunod-sunuran si Joaquin, ngunit gumagawa talaga ito ng paraan para maresolba ang mga