Chapter 12: Marka

"SAMAHAN mo ako. Gusto kong magpunta sa club," sabi ni Pealle. Ipagdiriwang ba niya ang paparating na tagapagmana o ipagluluksa ang kabiguan? Wala nga siyang kaalam-alam tungkol sa babaeng 'yon.

Napapailing si Andy sa pag-aya ng kaibigan niya sa club. Gustong magpakalango sa alak. Sandali lamang ang epekto ng alak, bukas tiyak na balik ito sa pagiging tuliro.

"Mag-isip ka ng maayos. Paano mo makikita ang babaeng 'yon? Hahayaan mo ba na lumaki ang mga anak mo na walang kinikilalang ama?"

Isa pang problema na kahaharapin niya ngayon. Paano nga kung may mabuo sa isang magdamag nilang pagniniig? At hindi lamang isang beses nilang ginawa, siguro'y limang beses. Hindi na rin niya matandaan. Ang nangingibabaw sa kanya nang gabing 'yon ay ang sarap habang kaulayaw ang babaeng malamya.

Natutuliro na ang utak niya, hindi niya malaman kung ano ang gagawin. Pero hindi niya makakalimutan ang nangyari kagabi. Parang nag-ukit ito ng malalim na marka sa buhay niya, na kahit anong pilit, hinding-