Chapter 24: Panibagong Buhay

NAKASAKAY na ng bus sina Ara at Purity. Nakadantay ang ulo ng kaibigan niya sa balikat ni Purity. Tulog na tulog si Ara habang nasa biyahe sila papunta sa isang malayong probinsya. Sobrang kaba ang naramdaman ni Purity habang tumatakas kanina. Pero sa kagustuhan na makawala sa kasal niya ay nilakasan niya ang loob.

Salamat sa matalino niyang kaibigan na si Ara. Siya ang nagplano ng lahat. Bumilib siya kay Ara, sobrang pinaghandaan ang kanilang pagtakas. Ito nga, patungo na sila sa bahay ng lola nito sa probinsya.

"Manong, pakibaba po muna d'yan sa tabi. Iihi lang po itong si Purity," biglang nasabi ni Ara sa driver. Lulan silang magkaibigan ng bridal car patungo sa simbahan.

"Ma'am, naghihintay na po si Sir Marcus sa simbahan. Tinawagan po ako kanina para i-checked kayo." Sagot ng driver na nakatingin sa kanilang magkaibigan mula sa rearview mirror.

"Naku, manong. Eh, kailan niyo paiihiin itong kaibigan ko? Gusto niyo bang dito pa sa loob ng sasakyan umihi 'to?" Giit ni Ara. Pali