Chapter 23: Running Away

ARAW ng kasal nina Purity at Marcus. Kasalukuyang nasa isang mamahaling hotel si Purity, inaayusan ng make up artist habang nasa tabi niya si Ara para umalalay sa kanya sa pagbibihis.

Nangungusap ang mga mata ng dalaga. Kanina pa nagbabadya ang luha sa kanyang mga mata. Pero pilit niyang nilalaban ang kanyang emosyon. Ayaw niyang umiyak. Halos magdurog ang kaniyang kalooban na ikakasal siya sa lalaking 'di niya gusto. Hindi pa alam ni Marcus ang kaniyang kalagayan. Pasimpleng napahawak si Purity sa kanyang impis pang tiyan saka napadako ang tingin kay Ara. Tinanguan siya ng kaibigan.

"Magbibihis na ba ang bride? Ako na ang tutulong sa kanya magbihis," tanong ni Ara na napatingin sa make up artist ni Purity.

"Opo. Puwede na po siyang magpalit. Dahan-dahan lang pong hindi masira ang make up po ni ma'am." Sagot ng babae at nagpaalala kay Ara. Ngiti lang ang sagot ng dalaga.

Inalalayan ni Ara si Puriry na makatayo sa upuan. Naglakad na sila papunta sa kuwarto. Pagkapasok nila sa loob