Chapter 18: Baliw sa Pag-ibig

BUMALIKWAS ng bangon si Purity nang maramdaman na parang nasusuka siya. Agad siyang tumayo at tumungo sa banyo. Sumuka siya sa bowl pero wala naman siyang naisuka. Napahawak siya sa kanyang dibdib, ang lakas ng kabog ng dibdib niya. Tumayo siya at bumalik sa kanyang kama. Nakatulalang naupo sa gilid ng kama.

Napahawak siya sa kanyang sintido nang tila parang nahilo siya. Napapikit si Purity ng kanyang mga mata. Kinuha niya ang kanyang phone at tinext si Ara. Tumayo siya at dahan-dahan na naglakad papunta sa banyo.

Makikipagkita siya kay Ara. Mayroon lamang siyang gustong tanungin at linawin sa kaibigan. Ayaw niyang manghula pero sana'y mali ang kanyang kutob.

Masama ang pakiramdam niya nang magising at nangangasim ang kanyang sikmura. Wala pa naman siyang nakakain. Bigla siya nakaramdam ng kaba.

"Saan ka pupunta?" Biglang tanong ni Sheena nang makita si Purity na bihis na bihis.

"Kikitain ko lang po si Ara," hindi detalyadong sagot ng dalaga.

Mariing napatitig si Sheena sa kanyang ste