Chapter 17: Bulong sa Hangin

"MARCUS, kailan ko makukuha ang pera na ipinangako mo? May usapan tayo na ibibigay mo ang parang napag-usapan natin sa oras na pumayag magpakasal sayo ang anak ko," tanong ni Pat, gusto na niyang makuha ang pera na dapat ay ibabayad ni Marcus sa kanya.

Sinadya niya si Marcus sa kompanya nito para singilin. Isang linggo na lamang ay ikakasal na sila. Bakit hindi pa ibigay sa kanya ang kahit paunang bayad?

"Napaka-sigurista mo talaga, Pat. Ang usapan ay pagkatapos ng kasal. Hindi pa kami naikakasal ni Purity. Naniningil ka ng bayad sa 'kin." Sagot ni Marcus. Atat na ata si Pat na makuha ang pera sa kanya. Maigi na lamang ay hindi nagmana si Purity ng pagkagahaman ni Pat sa pera. Magkaibang-magkaiba ang ugali ng mag-ama. Napapaisip nga siya kung totoong anak nito si Purity.

"May deal tayo, baka nakakalimutan mo! Baka gusto mong i-atras ko ang kasal niyo ni Purity. At sa iba ko na lang ipapakasal ang anak ko. Doon sa mas malaki ang ibabayad sa 'kin." Pananakot na sambit ni Pat. Wala pa si