Chapter 11: On the way

NAGISING si Purity sa isang silid na hindi pamilyar sa kanya. Napatingin siya sa kanyang tabi at nagmamadali na may pag-iingat na bumaba sa kama. Tulog na tulog ang nakadapa na lalaki sa kanyang katabi.

Pinulot niya isa-isa ang kanyang mga damit na nasa sahig. Kumirot pa ng bahagya ang kanyang kaselanan kaya napangiwi siya. Pero tiniis niya iyon saka paika-ikang naglakad patungo sa banyo.

Sa pagkasarado niya ng pinto ay napasandal siya. Napahinga siya ng malalim, para kasing kinapos siya ng hangin at halos hindi makahinga.

"Anong kagagahan ang ginawa mo, Purity?" Untag niya sa sarili, napaharap siya sa salamin. Napasapo siya sa kanyang noo. Gulo-gulo pa ang buhok niya at may mga pulang marka sa kanyang dibdib.

Napapamura na lamang siya sa kanyang isip. Naka-ilang beses ba nilang ginawa ang magniig? Halos 'di na niya makilala ang itsura niya. Napahilamos siya ng mukha. Pinaglandas ang daliri sa kanyang labi. Ramdam pa ni Purity ang mainit na halik at haplos ng lalaking estranghero sa k