Chapter 10: Stay with me tonight

NARAMDAMAN ni Purity ang mga matang nakasunod sa kanya habang bumabalik sila ni Nelson sa kanilang upuan. Mahigpit ang pagkakahawak ng binata sa kanyang kamay, tila ayaw siyang pakawalan. Pagkaupo ni Purity, napansin niya ang makahulugang tingin ni Ara na parang may iniisip na kung ano. Hindi mapigilan ni Purity ang mapangiti nang makita niyang nakatingin pa rin si Nelson sa kanya, nakangiti ang mga mata nitong nakatingin sa kanya.

"Thanks for the dance, Purity," sabi ni Nelson, na hindi mapigilan ang ngiti sa kanyang mga labi. Gumanti ng ngiti si Purity, at ilang segundo ay nagpaalam na ang binata sa kanya na babalik sa kanyang upuan.

Biglang sumikdo si Purity nang maramdaman ang siko ni Ara sa kanyang tagiliran. Lumingon siya sa kaibigan na nakangiti nang pilya.

"Anong ibig sabihin ng mga tinginan na 'yon? Mayroon ba akong dapat malaman?" Usisa ni Ara, sabay kindat.

"Wala..." maikling sagot ni Purity, pilit na itinatago ang kanyang kilig.

"Wala? Eh, parang may something sa mga