Kabanata 0018

May napansin siyang isang mamahaling sasakyan na nakaparada sa labas ng bahay nila Althea. Malakas ang kabog ng dibdib niya dahil may kutob siya kung sino ang nagmamay-ari no'n.

“Sino kaya ang dumating?” takang tanong ni Althea.

Tuluyan na silang pumasok sa loob. Nanigas sa kanyang kinatatayuan si Raquel nang makita niya si Nicholas na ngayon ay kinakausap ang mga magulang ni Althea.

Biglang kumabog ng malakas ang dibdib niya habang ang mga mata ay nakatutok lang kay Nicholas. Ngumiti ito at dahil na sa tabi niya ang mga magulang ni Althea, pinigilan niya ang sarili.

“Senyorita, dumating po ang kaibigan niyo.”

Napaawang ang bibig ni Raquel nang marinig niya ang ina ni Althea na si Aling Pasing. Hindi niya inaasahan na magpapakilala si Nicholas bilang kaibigan niya.

“Ah, oo, 'nay. Kaibigan po 'yan ni Raquel,” sabat naman ni Althea at nilapitan ang mga magulang. Walang kaalam-alam ang mga magulang ni Althea kung sino si Nicholas sa buhay ni Raquel.

Hindi nila alam na ito ang nagwasak