Kabanata 0019

Bumaba ang tingin ni Raquel sa katawan ni Nicholas. Wala itong pag-ibabaw na damit at nababalutan ng pawis. May hawak itong palakol kaya alam ni Raquel na galing ito sa pagsibak ng kahoy.

Hindi niya napigilan ang sariling titigan ang napakagandang katawan ni Nicholas. Ang kanyang six-pack abs ay tila ba kay sarap hawakan, sa isip ni Raquel.

Bumalik naman ang paningin niya sa mukha ni Nicholas at napalingon siya agad sa ibang direksyon dahil napansin niyang nakangisi na ito na tila ba alam niya kung ano ang ginawa ni Raquel. Sa takot na baka anong isipin ni Nicholas, tinigasan na naman niya ang kanyang reaksyon.

“Senyorita, ang galing pala talaga nitong kaibigan mo. Bilib na bilib ako sa kursiyudad niyang subukan ang trabaho namin dito,” ani ng ama ni Althea. Napalunok na lamang si Raquel upang alisin ang tensyon na nararamdaman niya sa kanyang katawan.

Gusto niyang sabihin sa mga magulang ni Althea na hindi dapat sila nagpapauto sa kanya. Nagpapanggap lang si Nicholas at hindi nila da