Kabanata 0017

Pakiramdam ni Raquel ay nanlumo siya nang madatnan si Andrei na ngayon ay kausap si Nicholas kasama ng mga kaibigan. Napalunok si Raquel sa kanyang nadatnan kaya agad niya itong nilapitan.

“What's going on here?”

Napatingin silang lahat nang magsalita si Raquel. Napatayo pa ang mga ito at napatitig sa kaniya.

“Raquel...” sambit ni Andrei sa pangalan niya.

Nagsalubong naman ang kilay ni Raquel nang titigan niya si Nicholas. Kilala niya ang lalaki at ramdam niya na may sinabi ito kay Andrei.

“Anong sinabi ni Nicholas sa 'yo, Andrei?”

Napalunok si Andrei nang tanungin niya iyon. Lumingon si Andrei sa gawi ni Nicholas at tila ba ay kinakabahan ito na magsabi.

“I just told him the truth,” ani Nicholas.

Napakuyom ang mga kamao ni Raquel at hindi niya alam kung ano ang mararamdaman sa oras na ito. Gusto niyang sugurin si Nicholas at sapakin ito pero pinigilan niya ang sarili.

“What truth?” tanong ni Raquel. Kalmado pa siya sa mga oras na iyan pero gusto niya ng sumabog sa sobrang inis niya