CHAPTER 68

" Lucine, bumangon ka na diyan sa kama. Tanghali na, " boses ng isang babae ang gumising kay Lucine na nanatiling nakapikit at dinadama ang marahang haplos sa ulo niya. " Anak, alam kong gising ka na. Bangon na at kakain ka pa ng umagahan. Papasok ka pa."

" Mamaya na po, Ma... " Inaantok na wika ni Lucine. " Inaantok pa po ako. "

" Akala ko ba'y maaga ang pasok mo? " Tumigil ito sa paghaplos sa kaniya. " Gumayak ka na kung ayaw mong ako ang magpaligo sa'yo diyan sa kama mo mismo, sige ka. "

Idinilat ni Lucine ang mga mata at nakangusong bumangon sa kama. Inangat niya ang tingin sa babaeng nasa harap niya, hindi niya maaninag masyado ang mukha subalit alam niya sa sarili na ito ang kaniyang ina.

" Anong oras ka na ba natulog at puyat na puyat ka yata? " tanong ng ina bago siya nito talikuran upang magtungo sa kusina.

Tamad namang bumangon si Lucine na sumunod sa kaniyang ina subalit laking pagtataka nang makitang wala namang tao sa kusina. Tumungo siya sa sala, paulit-ulit tinata