All Chapters of NANG MAGPAKASAL AKO SA BOMBERONG BILYONARYO : Chapter 91 - Chapter 100

KASALUKUYANG NASA bahay ng kaibigan niyang financial advisor si Tori. Tumawag kasi si Darlene sa kanya kahapon at ang sabi nito ay may mahalaga raw itong sasabihin sa kanya. At dapat daw na personal silang mag-usap. Pero dahil nasa Davao siya kahapon ay nakiusap siyang kung maaari ay ngayon na lang sila magkita. At napagkasunduan nga nila na pupunta na lang siya sa bahay nito. Pasimpleng sinulyapan ni Tori ang suot niyang relong-pambisig. Limang minuto bago mag-alas singko ng hapon. Well, napaaga siya ng labin-limang minuto. Alas singko kasi ang usapan nila ni Darlene dahil manggagaling pa ang babae sa Makati kung saan naman ito nagta-trabaho bilang accountant sa isang government agency. Ibinilin na ng babae sa kasama nito sa bahay na darating siya kaya naman kaagad din siyang pinapasok pagkarating niya. Mula sa dalang kulay silver na purse ay kinuha ni Tori ang kanyang cell phone. Tinawagan niya ang Yaya ng anak niya para ipaalala dito may darating na package para sa kanya. Ilang

“DAMN IT, TORI, where the hell are you?” tiim ang anyo na usal ni Taj habang nakaupo sa loob ng kanyang sasakyan. Ilang oras nang naghihintay si Taj kay Tori sa tapat ng dating bahay ng huli sa Greenbelt. Ibinilin na lamang niya sa guards na naka-duty ngayong gabi sa main gate ng Wood Meadows na tawagan sakali mang makita ng mga ito ang sasakyan ng babae.“Tori…Tori…Tori, you are slowly killing me, love,” ani ni Taj habang mahigpit na nakahawak sa manubela ang magkabila niyang kamay. Sinulyapan ni Taj ang suot niyang relong-pambisig at nang makita niyang pasado alas-otso na ng gabi ay mas lalo pang tumindi ang pag-aalala niya para sa dating asawa. Ilang beses na niya itong sinubukang tawagan pero kagaa kanina ay hindi pa rin ito sumasagot. Tinawagan naman siya ni Darlene, isang oras na marahil ang nakakaraan at ang sabi nito ay okay nama daw si Tori. Nakausap daw nito ang dati niyang asawa, ‘yon nga lang, ayaw daw sabihin ni Tori kung nasaan ito. Muling dinampot ni Taj ang cellphon

“I want perfection, you hear me?” walang kangiti-ngiti sa anyo na ani ni Landon sa tatlong lalaking kaharap niya. “Gusto ko ng malinis na trabaho. Ayaw ko ng tatanga-tanga at palpak, nakuha n’yo ba?” aniya pa na bahgyang naningkit ang mga mata habang isa-isang tinitingnan ang kanyang mga kaharap.Tila naman iisa ang ulo na sabay-sabay na tumango ang tatlo. “Opo, boss!” sagot ng pika-leader ng tatlo na seryoso ang anyo. “Copy, boss!” ani naman ng payat na lalaki. “Asahan mo, Boss!” turan ng isa pang lalaki na puno ng tattoo ang buong braso. Tumango-tango si Landon. Dumukwang siya at binuksan ang mini compartment ng kanyang sasakyan. Mula doon ay kinuha niya ang makapal na sobreng puti. Pahagis niya iyong ibinigay sa leader ng tatlong lalaki. “Paunang bayad. Isang-daang libo, bilangin n’yo!” turan ni Landon habang nakadungaw sa nakabukas na bintana ng kanyang sasakyan. Kasalukuyan siyang nasa sulok na bahagi ng isang lumang pier sa Manila. Mabilis na sinalo ng lalaki ang sobre na

“ANO ANG NANGYARI?” natatarantang salubong ni Claudia kay Taj na karga ang tulog na tulog na si Hajie. Kasunod ng lalaki ang yaya ng bata na hindi naman maitago ang labis na pag-aalala sa anyo. “Dito na muna sila.” sagot ni Taj na bakas sa tinig ang pinaghalong pag-aalala at galit. “Nakahanda na ba ang silid?” tanong niya sa kapatid. Naroon sila sa condo unit ni Claudia. Dito niya naisipang dalhin ang anak na si Hajie pagkatapos niyang makatanggap ng tawag mula sa manager ng restaurant na pinuntahan ni Tori para makipagkita kay Darlene. “Oo, naihanda ko na.” taranta pa ring sabi ni Claudia bago nagpatiuna nang humakbang patungo sa bakanteng silid. Kaagad na sumunod si Taj sa kapatid. Binuksan ni Claudia ang pinto at magkasunod silang pumasok ni Taj sa loob. “P’wede mo nang ilapag si Hajie, Kuya.” ani ni Claudia kay Taj. Tumango si Taj bago niya dahan-dahang inilapag sa kama ang tulog na anak. Nang masigurong maayos na ang pagkakahiga nito ay masuyo niyang hinaplos ang buhok ng

“OKAY, BASTA call me kapag nagka-problema.” ani ni Taj sa kapatid niyang si Claudia. Kausap niya ito sa cellphone. Kinamusta niya kasi ang anak na si Hajie. “Okay, Kuya.” sagot ni Claudia mula sa kabilang linya.Ilang bilin pa sa kapatid ang ginawa ni Taj bago siya tuluyang nagpaalam. Muli niyang ibinalik ang atensiyon sa kausap niyang pulis kanina bago siya tumawag sa kapatid. “Any progress, chief?” tanong ni Taj sa chief of police ng prisentong kinaroroonan niya. Kung kailangan niyang ipahalughog ng buong Pilipinas para lang makita si Tori ay gagawin niya. At gagamitin niya ang lahat ng impluwensiya at koneksiyong mayroon siya para managot ang kung sino mang nasa likod ng lahat ng ito. At oo, malakas ang kutob niyang my kinalaman ang pagpapa-imbestiga niya sa korapsyon sa kompanya niya sa nangyaring pagdukot kay Tori at sa kaibigan nitonng si Darlene. Ayon kasi sa mga imbestigador na siyang sumuri sa nakuha CCTV footage na nakuha sa parking space ng restaurant ay tila nadamay