IDOL

PAGKARATING ng tatlong lalaking inutusan ni Landon para dukutin si Darlene sa hideout nila na nasa lumang pier ay kaagad nilang ibinaba ang dalawang babae mula sa dala nilang lumang sedan.

“Boss, hindi kaya tayo sasabit dito sa isa?” tanong ng lalaking may hawak kay Tori.

Humithit ang leader mula sa hawak na sigarilyo bago niya iyon itinapon sa isang tabi.

“Wala naman tayong magagawa. Dala iyan ng sitwasyon. Kaysa naman may maiwan tayong witness.” sagot ng leader.

Napatango-tango ang dalawang lalaki. Halos sabay nilang ibinaba ang dalawang babae sa malamig at maruming sahig. Naroon sila sa lumang gusali na nasa isang parte ng pier. Dati iyon ng opisina na ngayon ay abandonado na.

“Tanggalan na ng takip ang isang ‘yan.” utos ng leader sa isang kasama.

Mabilis namang sumunod ang may tattoo na laki. Inalis niya ang itim na telang nakabalot sa ulo ng babaeng sinasabi sa kanila ni Landon na dukutin.

“Ang sabi ni boss sa atin ay todasin na raw natin agad ito pero sayang naman. P’wed