WHAT IF?

“WHAT IS IT?" puno ng pagtataka sa tinig na tanong ni Tori, pagkarating na pagkarating niya sa bahay ng kaibigang si Lorie.

Wala ang asawa nitong si Oxygen at ayon sa kaibigan niya ay may inaasikaso daw kasama si Taj. Hindi na siya kung ano ang pinagkaka-abalahan ng dalawa. Wala naman siyang pakialam sa ibang activities ni Taj. Ang tanging mahalaga sa kanya ngayon ay ang mahuli na sana ng mga kapulisan si Landon.

“Umupo ka muna." ani ni Lorie bago inabot sa kaibigan ang hawak niyang baso na may lamang orange juice.

Napabuga ng hangin si Tori. Sa totoo lang ay isiningit lamang niya ang pag-uwi sa San Lorenzo. Marami siyan inaasikaso sa Manila. Ipina-kansela niya ang iba pa niyang engagement at ang iba naman ay hiniling niyang madaliin nang matapos. Kailangang matapos ang lahat bago ang araw ng pagbabalik nila ni Hajie sa America.

Ang sabi ni Lorie ay may mahalaga raw itong sasabihin sa kanya at hiindi p’wedeng sa telepono lang nila pag-usapan. Kilala niya ang kaibigan kaya kahit ha