Chapter 89 - Morning Surprise!

Humahangos syang lumabas ng elevator papunta sa main entrance ng condominium unit. Nakita na nya agad si Rafael, sakay ng kanyang itim na SUV at kinakawayan sya.

Dali-dali nyang binuksan ang passenger’s seat at humakbang papasok.

“Good morning,” abot-abot ang hingal nyang bati nya sa haggard na mukha ni Rafael.

“Good morning,” ibinalik nito ang pagbati sa kanya at mabilis na nilisan ang parkway ng condo.

Nagtatahip ang dibdib nyang sinipat sa side mirror ang pinanggalingan nya. Hindi na nya ginising si Joaquín bago sya umalis at iniwan lang nya ang mga kalat na ginawa nya sa service kitchen para makipagkita sa kababatang kapatid rin nito. ‘Thirty minutes lang,’ ‘ika ng lalake noong kausap nya ito sa cellphone; sasamahan lang mag-breakfast at ibabalik na rin sya nito agad sa condo.

“Kay Joaquín ‘yan?” nguso nito sa maluwag na puting branded na T-shirt na suot nya.

“Ay, oo, naubusan ng damit,” sagot nya habang inaayos-ayos ang balikat ng T-shirt sa kanya. Ito ang una nyang nakita s