Chapter 7 - 'Love You, Pren!'

“Anak, okay lang ba? Hindi ka naman natutulog ng alanganing oras, masama ba ang pakiramdam mo?”

Nagmulat si Abby ng mata nang marinig ang Nanay nya na pumasok ng kwarto. Binuhat nya ang mabigat na katawan paupo sa gilid ng higaan. Sinipat nya ang kanyang cellphone sa ibabaw ng study table.

12 missed calls.

“Okay lang ‘nay, medyo masakit lang ang ulo ko kaya nahiga ako ulit.”

“Sya nga pala, tumawag sa akin si Joaquín kanina, hindi mo raw sinasagot ang mga tawag nya,” sabi ni Nanay Elsa habang maayos na sinasalansan ang mga bagong labang damit sa luma nilang aparador.

“Nagsumbong na naman pala sa inyo. Bayaan nyo po ‘yun ‘nay, baka may iuutos lang.”

“Inaway mo raw sya eh,” pakli ng Nanay nya.

Kahit noong mga bata pa sila, kapag inaaway nya si Joaquín ay dumidiretso ito sa Nanay nya para magsumbong, hanggang sa napapagalitan sya nito. Pinakiramdaman nya ang kanyang ina na abala sa ginagawang pagliligpit ng mga damit. Sa tingin naman nya ay wala namang binanggit ng kaibigan na mun