Kabanata 5

Dinaka ni Maisi ang cell phone papunta sa balcony at sinagot ang tawag. “Anong nangyari, pinagsisisihan na ba ni DIrector Vanderbilt ang ginawa niya?”

Nagngangalit ang mga ngipin ni WIllow sa inis nang marinig niya iyon. “Maisie, huwag kang magpakampante.Karangalan mo na handa kaming bayaran ka ng $150,000,000 para magtrabaho sa amin!”

“Oh talaga? Parang pinapalabas mo namang kailangan na kailangan ko ng milyones niyo.” Sumandal si Maisie sa balcony habang mayroong ngiti sa mga labi. “Dahil hindi naman sincere ang collaboration na ito, huwag mo na akong tawagan.”

“Sandali!” Sigaw ni Willow, umupo siya sa kaniyang office’s desk at ngumisi. “Maisie Vanderbilt, huwag mong kalimutan na hawak ko pa rin ang video.”

Unti-unting nagdilim ang ekspresyon ni Maisie nang marinig niya ang salitang “video.”

Ngumisi si WIlow nang wala siyang narinig na sagot sa kabilang linya. “Kung ayaw mong ilabas ko ang nangyari noon, pinapayuhan kitang pumunta rito at makipag-usap sa akin bukas nang umaga.”

Huminga nang malalim si Maisie at tumango. “OKay, pupunta ako diyan bukas.”

Binaba niya ang tawag pagkasabi niya non.

Si Daisie na nakikinig sa usapan mula sa likuran ay patakbong bumalik sa kwarto gamit ang maliliit niyang paa at sinabi sa mga kapatid niyang lalaki, “Tumawag yung masamang babae at pinagbantaan si Mommy!”

Kaagad na nagbigay ng suhestiyon si Waylon, “Kung ganoon, sisimulan na natin ang plano kapag umalis si Mommy bukas.”

Nag-okay gesture si Colton at pinasa ang personal na impormasyon at resume nina Daisie at Waylon sa official “Young Faces” website, isang children’s clothing brand sa ilalim ng Blackgold Group.

‘Nagkataon na dalawang batang model ang hinahanap ng brand, at siguradong mapipili tayo!

‘Magagawa namaing malapitan ang lalaking iyon basta nasa ilalim ng Blackgold Group ang brand. Kailangan naming malaman kung si Nolan ba ang daddy namin o hindi!’

Kinabukasan….

Nakarating si Maisie sa Vaenna Jewelry, at dinala siya ng secretary sa opisina ni Willow. Katulad ng inaasahan niya, hinihintay siya ni Willow habang nasa couch.

Ngumiti si Willow, tumayo, at lumapit sa kaniya pagkaalis ng secretary. “Akala ko ay hindi ka pupunta.”

“Hawak mo pa rin ang video. Pwede bang hindi ako pumunta?” Ngumiti si Maisie. “Oo nga pala, nagpapasalamat ako sa iyo dahil hindi mo nilabas ang video sa mga nakalipas na taon.”

Bahagyang nahiya si Willow.

‘Hindi sa ayaw kong ilabas ang video. Nag-aalala lang ako na madiskubre ni Nolan na hindi ako ang babae noong gabing iyon.’

‘Gayunpaman, base sa attitude ni Maisie, hindi niya alam na ang lalaki noong gabing iyon ay si Nolan. Kaya naman, nagkataon lang na kaya ko pa rin siyang bantaan gamit ang video.’

“Okay, huwag na natin pag-usapan ang ibang bagay. Naghanda na ako ng kontrata para sa iyo, at iyo na ang $150,000,000 basta pirmahan mo lang iyon.” Pumunta sa Willow sa desk niya, kinuha ang kontrata at inabot ito kay Maisie.

Hindi iyon kinuha ni Maisie mula sa kaniya. “Mukhang kailangan mo talaga ako.”

“Heh, sa tingin mo ba talaga ay gusto kong narito ka sa Vaenna?”

“Oo, pagkatapos ng lahat, ang taong gusto ko akong manatili sa Vaenna ay ang lalaking magbabayad sa akin ng $150,000,000 para sa iyo. Nakahanap ka ng masasandalan sa nakalipas na anim na taon, huh?” Sarkastikong asar ni Maisie. “Sayang lang na mayroon ka pang utang na sampal sa akin kahapon. Hindi ba’t malulugi ako kung pipirmahan ko na ito ngayon?”

Sumimangot si Willow nang marinig niya iyon. “Huwag mong sagarin ang swerte mo.”

Lumapit si Maisie sa kaniya, tumaas ang kilay at ngumiti. “Ang laki ng nawala sa akin dahil sa iyo noon. Hindi ko hahayaan na manipulahin mo ako pagkatapos ng lahat. Luluhod ka ba at hihingi ng tawad sa akin kung gusto mong pirmahan ko ito?”

Nang makitang tinataas ni WIllow ang kaniyang braso, mabilis itong pinigilan ni Maisie at hinawakan ang kamay ni Willow. “Balak mo pa rin akong sampalin?”

“Maisie Vanderbilt, pinapayuhan kitang pirmahan na iyan ngayon. Kung hindi, ilalabas ko ang video para malaman ng lahat sa Bassburgh kung gaano kalandi ang sikat na si Zora.”

Sinampal ni Maisie si Willow sa pisngi.

Natulala si WIllow. Nagngangalit ang ngipin niya nang bumalik ang kaniyang pandalama. “Walanghiya ka—”

“Ganito rin ba tratuhin ni Miss Zora ang iba sa Luxella?” Isang boses ang narinig mula sa likuran.

Pumasok si Nolan sa silid kasama ang kaniyang personal assistant at nagkataon na nasaksihan niya ang eksena.

Naranasan na niya ang pagka-arogante ng babaeng ito, pero hindi niya inaasahang ganito kalabas ang loob niya.

Bumulong si Maisie sa sarili, “Ibang klaseng pagkakataon.”

Sa loob-loob niya ay masayang-masaya si Willow dahil tamang-tama ang dating ni Nolan. Kinagat niya ang ibabang labi upang magmukhaang kaawa-awa. “Nolan, huwag mong sisihin si Miss Zora. Kasalanan ko lahat. Baka mayroon akong nagawang mali.”

Lumapit si Nolan kay Maisie at binalaan ito gamit ang walang emosyong tono, “Marami akong paraan para alisin lahat ng oportunidad mo para makabalik sa Luxella kung ipagpapatuloy mo ang ganitong attitude.”

“Binabantaan mo ba ako?” Tumingala si Maisie. Ayaw na ayaw niyang piangbabantaan siya!

Bahagyang kumunot ang noo ni Nolan nang makita ang galit sa mga mata ni Maisie. “Ano naman kung banta nga iyon?”

Tumawa nang malakas si Maisie. “Kayo ang gustong magtrabaho ako dito. Pero hindi niyo lang ako pinabayaan noong una, sinampal niyo pa ako. Mukha ba akong uto-uto para sa inyo?”

“Dapat siyang humingi ng patawad sa iyo para sa nagawa niyang mali.” Lumapit sa kaniya si Nolan. “Pero hindi ba dapat ay humingi ka rin ng patawad sa maling nagawa mo?”

“Anong ginawa kong mali?” Inunat ni Maisie ang mga kamay. “Binabalik ko lang ang pagtanggap na nakuha kahapon. Patas na kami sa sampal na iyon. Bakit ko iyon naging kasalanan?”

“Sinasabi mo bang binabastos ko ang isang matanda kapag nagpasa ako ng police report dahil nanakawan ako ng isang matandang tinutulungan kong tumawid sa kalsada?”

Makikita ang inis sa mga mata ni Nolan. “Huwag mo ng bigyang katwiran pa ang ginawa mo.”

Suminghal si Maisie, tumalikod at kumaway. “Kung ganoon. Itutuloy ko ang sinasabi ko. Wala na tayong dapat pag-usapan pa.”

Biglang hinawakan ang braso ni Maisie nang maglalakad na sana siya papunta sa elevator. Hinila siya papunta sa hagdan.

Nagpumiglas si Maisie. “Anong ginagawa mo? Bitawan mo ako!”

Binaba ni Nolan ang tingin at seryosong sinabi, “Bumalik ka at humingi ng patawad.”