Kabanata 3

Ang matalim na tingin ng lalaki ang tumambad kay Maisie nang lumingon siya. Natulala siya dahil sa mukha nito.

Maputi ang balat ng lalaki, napakaganda ng features ng mukha nito, kapansin-pansin ang kulay amber nitong mga mata na tila mayroong tinatagong lalim, at isang linya ng maninipis na labi na kasing talim ng kutsilyo.

Kamukhang-kamukha nito sina Colton at Waylon. Pareho din sila ng kulay ng mga mata!

Nalaman lang ni Maisie na triplets ang magiging anak niya noong nasa labor na siya sa Stoslo. Walang namana sa itsura niya ang panganay at pangalawa niyang anak. Pero, mayroong kaunting pagkakahawig sa kaniya ang bunso na mayroong itim na itim na buhok–kapareho din ng lalaking nakatayo sa harapan niya ngayon.

Nagdilim ang mga mata ni Maisie habang tinititigan niya ang lalaki sa harapan niya.

‘Sino ang lalaking ito? Anong relasyon niya kay WIllow?’

Naka-focus ang mga mata ni Nolan Goldmann sa mukha ni Maisie. Nagsalubong ang kaniyang mga kilay. ‘Ang babaeng ito…’

Nang makitang tinititigan ni Nolan ang mukha ni Maisie. Nagngalit ang mga ngipin ni WIllow. ‘Lagot, hindi naman siya nakikilala ni Nola, hindi ba?’

Hindi niya hahayaang mangyari iyon!

Hinawakan niya ang braso ni Nolan, at habang nagpapaawa ay sinabi niyang, “Nolan, pasensiya ka na, hindi dapat ako nagpadalus-dalos. Pero binuhos ng tatay ko ang buong puso niya sa Vaenna Jewelry. Ginawa ko lang iyon dahil kong protektahan ang kumpanya.”

Kasing lamig ng yelo ang mga tingin ni Nolan. Hindi niya pinansin ang paliwanag ni WIllow at humakbang paabante. “Malulugi ang Vaenna Jewelry? Anong karapatan mong sabihin iyon?”

Ngumisi si Maisie. BInuhos ng tatay niya ang buong puso niya para rito? Please, ang tanging ginawa lang ng tatay niya ay magtago sa lilim ng isang punong iba ang nagtanim. Magaling talagang gumawa ng kwento si WIllow.

Tumingala si Maisie at diretsong tiningnan sa mga mata si Nolan Goldmann. “Ano naman kung sinabi ko nga iyon?”

Lahat ng tao ay nagpigil ng hininga nang marinig nila iyon.

Ang lakas ng loob ng babaeng iyon na sagutin si Mr. Goldmann!”

Gusto niya bang mamatay?

Nang makitang sumama ang itsura ni Nolan, humalukipkip si Maisie at ngumiti. “Anong kinalaman nito sa iyo? Pinagtatanggol mo ba siya dahil lang boyfriend ka niya?”

Pfft. Bagay na bagay sila, magkasintahang masasama ang ugali!

Imposibleng maging disente ang sinumang lalaking ipagtatanggol si WIllow.

“Alam mo ba ang sinasabi mo?” Malamig na tanong ni Nolan.

Tumaas ang isang kilay ni Maisie at sarkastikong sumagot, “Oo naman. Kinuha ako ng kumpanyang ito mula sa ibang kumpanya pero pinapahirapan naman ako ngayon. Napakaganda ng serbisyo ng lugar na ito.”

‘Kinuha siya mula sa ibang kumpanya?’

Nautal si Willow. “Anong….Anong sinasabi mo? Kailan ka nilapitan ng Vaenna?”

Nababaliw na ba ang bruhang ito?

“Miss Vanderbilt, baka medyo mahina na ang memorya mo. Hindi ba’t inalok niyo ako ng $150,000,000 noong nakaaang buwan para makuha ako mula sa Luxella? Kung walang balak ang Vaenna Jewelry na respetuhin ako, kalimutan na natin ang collaboration.”

Gulat na gulat ang lahat

Si Maisi pala ang sikat na sikat na jewelry designer na si Zora!

Halata sa mukha ni Willow ang labis ng gulat. “Imposible. Paanong naging ikaw si Zora?!”

Sa sandaling ito ay tiningnan siya ni Nolan. Napilitan si WIllow na pigilin ang gusto niyang sabihin. Namula siya sa kahihiyan.

Dinirekta ni Maisie ang tingin niya kay Nolan. “Sa tingin ko, sir, ikaw ang nagbayad ng $150,000,000 nang hindi niya nalalaman?”

Ang ganoong kalaking pera ay siguradong hindi mailalabas ng ama niyang si Stephen, lalo na si Willow. Kaya naman, itong lalaki na lang ang natitirang opsyon.

Nakahanap pala si Willow ng isang mayamang tao para tulungan siya nitong mga nakalipas na taon.

Pinagmasdan ni Nolan ang babae sa harapan niya. Para bang mayroong kung anong pamilyar sa babaeng ito, hindi niya lang matukoy kung ano. Para bang nagkita na sila noon…

Natatakot si Willow na baka makilala ni Nolan si Maisie. Mabilis niya itong nilapitan. “Nolan, siguradong nagsisinungaling siya. Imposibleng siya s Zora!”

Paano nangyaring si Maisie at Zora—isang world-renowned designer—ay iisa lang? Matagal niyang nakasama si Maisie. Paanong hindi niya alam na mayroong talento sa pagdidisenyo ng alahas ang kapatid niya?

Kahit na ang media ng fashion industry ay hindi pa nakakakita ang misteryosong designer. Kahit sino ay maaaring magpanggap na sila si Zora, tama?

“Sinasabi mong ikaw si Zora. Kung ganoon, magpakita ka ng ebidensiya. Sa pagkakaalam ko, nakatanggap si Miss Zora ng isang commemorative badge mula sa royal family ng Stoslo. Hindi iyon basta-basta makukuha ng kahit na sino lang!”

Pagkatapos magsalita ni Willow, makikita ang kayabangan sa kaniyang mga mata.

‘Tama, pwede siyang magsinungaling hangga’t gusto niya.

Kung hindi maipapakita ni Maisie ang badge, patunay iyon na nagpapanggap lang siya at saka ginalit niya rin si Nolan Goldmann. Kalimutan niya na ang ideyang makakatapak pa siya sa bansang ito!