TMUW 41: Frame Up

"Kanina ka pa?" salubong ko kay Haze nang makita na nakaupo siya sa bungad lang ng café.

Umiling siya. "Kararating ko lang. kaso lang... hindi rin ako puwedeng magtagal. Alam mo naman." Nagkibit-balikat siya.

Ngumuso ako at tumango na lang. Wala naman akong magagawa. Matagal na kaming hindi nakakapag-bonding dahil sobrang busy niya.

Sa buong pag-stay din namin sa café ay abala lang siya sa cell phone niya. Hinayaan ko na lang din at inabala ang sarili ko sa kung anong bagay.

Inaya niya ako mag-coffee break pero parang hindi naman siya nag-break kasi nasa trabaho pa rin siya kahit wala siya sa mismong opisina.

"I'm really sorry, Aurora. Sa susunod na lang tayo ulit lumabas. I'm really busy, sorry," paghingi niya ng paumanhin.

Umiling ako. "Sige lang, naiintindihan ko naman na busy ka talaga. Tawagan mo lang ako kapag free ka, wala naman akong ginagawa," sagot ko. "Sabi ko naman kasi sa'yo huwag ka na pumunta rito. May sasakyan naman ako na dala pero sumunod ka pa rin," natatawang usal