Book 5: Finale

Madaling araw na nang makadaong ang barko sa terminal ng Batangas kung kaya isinama muna siya ng binata sa condominium nito. Pumayag siya dahil naroon umano ang ina nito at makasama niya sa silid. Ang silid na ginagamit ng ina nito ay ang dating silid ni Jeydon.

"Hindi ba nakakahiya kung istorbohin natin ang tulog ng iyong ina?" may pag-alinlangan na aniya.

"Huwag ka nang mahiya kay mama, "saway niya sa dalaga habang hawak ang kamay nitong naglalakad papunta sa silid ng ina.

Natigil sa ere ang kamay ni Ashton at hindi naituloy ang pagkatok sa pintuan nang maulinigang may nag-uusap sa loob. Idinikit pa niya ang tainga sa pinto upang klarong marinig.

"Jessie!"

Napakurap ang binata at biglang inilayo ang tainga sa pintuan nang marinig ang pagtawag ng ina sa panglan ng kaniyang ama at may kasama pang ungol.

"Bakit?" pabulong na tanong ni Yvonne mula sa likuran ng binata.

"Sa silid ko na lang ikaw matulog, Labs." Kumakamot sa batok na turan nito.

"Hindi pwede, baka makita ako ng mama mo ro